ابڙو اڪيڊمي Abro Academy
2020-07-23
داخلا نمبر 649
عنوان للو ھنج، مُنگھه، کٽئين، سرخاب
شاخ پکي
پڙهيو ويو 417
داخلا جو حوالو:
للو ھنج، مُنگھه، کٽئين، سرخاب
للو ھنج، مُنگھه، کٽئين، سرخاب
للو ھنج، مُنگھه، کٽئين، سرخاب
65 سينٽي ميٽر جسامت جو ھي پکي ڪي قدر ڪي قدر قاز- نما بدڪ آھي . ٿٻيٽ جي اوچين ۽ مشڪل علائقن وارين ڍنڍن وٽ افزائش نسل ڪندو آھي ۽ سياري ۾ سڄي ھندستان ۾ اھڙن کليل صاف پاڻين جي تلاش ۾ نڪرندو آھي جتي وارياسيون ۽ پٿرائيون ڪنڌيون ۽ برساتي تلاءَ ھجن.
ھي عام طور لِڪڻو ۽ ٽاھڙ پکي آھي. اڪثر ننڍڙن گروھن ۾ ڏسبو آھي ان جي ڇڻاٽ واري رڙ ڄاتل سڃاتل ٿئي ٿي. ’سرخاب جا پَر‛ ادب ۾ ’سونھن‛ لاءِ تشبيھه بڻجي وئي آھي. ان جي سِسي ھلڪي ڳاڙھسري ھيڊي؛ پُٺي، ڇاتي ۽ پيٽ چمڪدار ھلڪو اکروٽي؛ پُڇ ۽ پَرن جون چوٽيون ڪاريون ھونديون آھن. نَر کي ڳچيءَ تي ڪارو ڪنٺو ٿئي ٿو. پَر ٽي رنگا ھوندا اٿس؛ ڪلھن کان وچ تائين اڇا، پويان کنڀ ساوا ۽ پڇاڙيءَ ۾ ڪارا کنڀ ٿين ٿا. سرخاب جون اکيون ڪاريون، چنھنب ۽ پير ڪارسرا ٿين ٿا.